SAURAHA / CHITWAN

Jop, so seht e wuerklich schoene Sunneuntergang us :-)


Wie i scho gschribe ha bini in Sauraha / Chitwan und schaff do in eme Huus mit Kinder wo entweder sehr armi, oder kei Eltere mehr hei. Es isch recht schweer, do me halt die einzelene Schicksal kennt, aber bim Spiele ka me das denn meistens klz verdraenge. Insgesammt laebe 21 Kinder do, im Alter zwuesche 4i und 17ni. Do mol es paar Gsichter:

ROHIT (5) dr Sunneschiin do

Santhos (8), Sandros (4), Safal (7), Asjun (7), Subash (7)

Bipeen (8) & Asjun (7), mit em Asjun machi immer Ufzgi

Ebe, am erste Obe hei sie mr denn glernt wie me mit de Finger tuet aesse :-) hihi... D Finger nimmt me als "Bagger" und mit em Duume schuuflet me denn s Aesse ins Muul... Na, isch jo eh eher Riis und Pampe und drum liicht zum ineschuufle. I schliich mi amme drvo, zum am Ufer go fritierti banane z aesse... 

Am Samstig hets Poulete geh, und nid das i heikel waer, NEEEI! Aber wenns denn no Hut, Faedere und e Fuess dra het, Brrrrr... Has denn dr Katz unter e Tisch gheit :-)

Do no es paar Bilder vo Sauraha und minere Nochberschaft (muess ebe pressiere, s Internet isch langsam und die klzne bald vo dr Schuel zrugg):

Jop, mini Hoor si no immer Orange... :-p

Elefante hei IMMER Vortritt

Mmmmmh...

Und das isch d ussicht us mim Faenster :-) PAMPAA!

So, jetzt muess i au wieder. Am 30./ 31.03. jani plant e Jungle-Trek z mache, mit uebernachtig im Jungel... Bi de Tiger, Elefante, Rhinos und de bloooody (sorry, aber isch doch wohr!) Moskitos... Mol luege oeb denn s Waetter au mitmacht :-). 

Adieu for now!! XX