Ich bi am 30./31.03. im Dschungel gsi... Und i weiss nid, obi falschi Erwartige gha ha, aber jooo... es isch OK gsi, sage mrs mol so. Weiss nid mol wuerkli, was i mr unter Dschungel vorgstellt ha (Inchen meets Mogli & Balu??) jedefalls hani mi nach 2 Stund und em 100ertste Reh nuem koenne motiviere und sage: WOOOW, Bambie! Und ha dr Guide eifach fruendlich aglache...
Mir si am 6i am Morge los gloffe und hei am erste Tag e 10 Stunde Marsch und am 2. nomol 5 Stund Fuessmarsch hinter uns brocht... Quer durch e Dschungel, Fluess und uber Baumstaemm, insgesammt ca. 52km (was mi, muess i doch zuegeh, es bizzeli stolz macht :-) ).
Folgendi Tier hani uf dem Waeg gseh:
RHINOS (also nasii Hoerner): 9 (was wuerklich viel isch)
Reh (Bambies): ca. 150
Tiger: um 10 Minute verpasst :-(
Schmetterling und suschtigi Insekte: seeehr viel!!
Kingfisher (mega schoene Vogel): 5
Krokies (frei): 5
Krokies (Krokie-Farm): 200
Schildkrot: 1
Gluehwuermli (und die sind MEGA, sau haerzig): ca. 25
Rhino & Baby
Rhino am Bade (dert hei mr Zmittag gaesse)
Inchen & Anna-Laure im Dschungel
Nid ueberall hets e Brugg geh... :-p
Dschungel Sunset
Dschungel Sunrise
Ich muess scho wieder pressiere, will dr Strom nuem so lang umme isch (4 Stund am Tag, 4 Stund in dr Nacht...) und mir huet doerfe in eim vo de Hotel go dusche :-))... Aendlig!! Bi uns im Huus hets naemlig sit 5 Tag kei fliessends Wasser mehr... Aber ebe, me kennt sich do langsam in dem klyne Doerfli und ka klyni Deals mache ;-) hihi...
Ah!! Und eso ueberquert me e Fluss, wenn kei Baumstamm, und au kei Brugg in Sicht isch :-) Jawohl :-).
LOVE GOR-TEX :-) hihi...
Adieu, adieu :-)
Keine Kommentare:
Kommentar veröffentlichen