Amazing

Ich bi no immer in Kathmandu und gang vo do us verschiedeni Sache go aluege. Jedefalls bini vorgester (muess immer fest studiere was fuer e Tag grad isch, das vergisst me do schnell) go eini vo de groeste Stupas in Nepal aluege...

... was soell i sage: atemberaubend! Me stoht eifach minutelang drvor und denkt: WOW!! 

Boudhnath

und gester hani z erst e Old Town Tour gmacht in Kathmandu (allei) und bi am Nommitag mit dr Grace und dr Amy zum Monkez Temple gloffe... Gfuehlti 1000000 Staegetritt spoeter het me e mega Ussicht ueber Kathmandu. Um und im Tempel hets denn ueberall Aeffli gha wo eim nochegsprunge sind, aber kei Problem,/ ha jo mini Tollwuetimpfig gfasst :-p chch...

Swayambhunath

 Kathmandu

 Amy & ich :)

Am Obe bini jewiils so mued, dass i so am 9i im Bett bi... chch... Stand drfuer au scho am 6i uf und gang go Kaffi trinke mit de andere :-). 

Huet sind mr denn wieder zu dritt unterwaegs gsi, bi nach Bakthapur mit dr Amy und dr Imogen. Fuer knapp 60 Rappe 2 Stund Bus fahre, do ka sich d BLT mol was drvo abschniide! 

Bakthapur isch bekannt fuer so Toon-Sache und so hets au e Platz wos nur Toon-Toepf z kaufe git:

Mega schoen gsi zum dert ummelaufe... Leider hei mr is denn au uf em Weg zum eine Tempel verloffe und sind 45 Minute in dr Hitz in die falschi Richtig gloffe... Ja toll! Si denn alles zrugg, wie d Gangster in de guete Western mit em Tiechli vor dr Nase will die Bus und Autos so stinkig sind... Und wiederum gfuehlti 10000 Staege ufe zu dem Tempel. 

Uf em Rueckwaeg verby am Durbar Square (vo dene gits in jedere Stadt eine) no schnell go faxxe mache und denn wieder zrugg uf Kathmandu

dert unte naebe de Elefante, das bi ich :-)

Glaub mini Tag in Kathmandu sind langsam zaehlt, ich bruch e Tabettewaechsel und mach mi Uebermorn (Dunnstig?) wohl uf e waeg nach Chitwan... Dert isch dae mega Nationalpark und me ka Elefanteritte :-). Je nach Moskito-Situation bini denn so 4 Tag - 2.5 Wuche dert und lueg evtl. no, ob i doet de ka kly als Voluntee schaffe. Adieu :-)

Ah, was i so glernt ha bisher: definitv kei Hundefruend mehr! Das dr Goggel am Morge kreiht, OK! Aber wieso d Huend gfuehlti 24 Stund duurebaelle und nur vo de Auto und Toeff-Hupe uebertoent waerde, isch mr e Raetsel! Ja... Also das mit em hupe isch so: Wer hupt, dae het Vortritt und so hupe immer alli... und immer...!