HAPPY HOLI :)

Mangmol laufts im Laebe halt nid wie plant... So au bi mir, wo i am Fritig nach em Lande ha muesse feststelle, dass mi niemerds vom  Flughafe abholt und mini Kontaktperson vo dere Hilfsorganisation nid erreichbar isch. 2 mol tief igschnuuft und nid in Panik ko hani em naegste Taxifahrer gseit, er soell mi zu eme Ort bringe wos viel internationali Luet het. So bini nun in Thamel (Kathmandu) in eme haerzige Guesthouse und schloof fuer 5 Dollar d Nacht uf eme Bett (hart wie Holz), aber OK :).
Am erste Obe alllei am Znacht esse hani d Grace (19 us North Carolina) kenneglernt und bi sither mi ihre und unterdesse no oebbe 5 andere Globetrotter unterwaegs.
Gester isch s Holi Festival gsi... Wie Fasnacht, nur mehr CRAZY!! Bispiel gfaellig??

Bi dem Festival gohts drum sich gegesitig Farb und Wasser azschmeisse... Jae, wuerkich :-)). Gstartet simmer am 9i, zu zweit. Am 11i z Nacht simmer oebbe 15 gsi, all over painted, pflaetschnass aber mit em Fest vo unserem Laebe!! Ok... Nid so lustig: i bi "gegged" worde... Kei Farb, kei Wasser, nei... Mit Eier hei sie mi beschmisse :-O 2 mol... chch...

Grace, Imogen, Amy & ich

  Imogen, Chris, Amy, Grace & ich in unserer Kriegsbemoolig :-) 

 Grace, Imogen, ich (after the battle)

 

4 Hoorwaesche, mehrfachs Dusche und nach allne ergaenzliche Mittel mini Hoor gwaesche... Sind sie no immer rot, und orange, und pink.. Aber das goht schiins denn waeg mit dr Zyt...!!