Ich bin dann mal weg!!

Miiiah... No nid mol mehr 3 Wuche und es goht looos :-). Und i freu mi mega!!
Ich wird ab em 17.März, mol mind. 6 Wuche in Nepal si und aschliessend jenach Möglichkeite no nach Tibet reise.
In Nepal läb und schaff i in eme Waisehuus und wird dert e hoffentlig wunderschöni und prägendi Zyt erläbe :-). Währen minere Reis, wird i (wenn möglich) immer mol wieder kly was postä und bloggä zum euch so kly zeige, was i grad so mach und erläb :-).

Das ich uf minere Reis uf gänzlich JEDE Luxus verzichte muess, das isch mr klar und das isch au guet!! Bye Bye Hoorstreckiise, Seifi statt Duschmittel, keini 700 Kopfküssi mehr... Ciao "täglich 10 Minute warm dusche"... Hüt bini gfrogt worde, was i denn wohl am Meiste vermisse wird an Luxus. Do muess i au nid lang überlegge... es isch mis elektrische Zahnbürstli!! Ohni Witz, das Ding macht abhängig!! Will de d Zähn immer so fiin sind wenn me mit dr Zunge drüber fahr <3... Anyway... Ich ha erfahre, dass ich die erste 6 Wuche in Pokhara läbe wird, das isch e 190'000 Seelestadt in dr Landesmitti, ca. 197km vo dr Hauptstadt wäg. Wenn i ehrlich bi hani mr das heimlig gwünscht... Pokhara lit nämlig zwüsche 2 See und wenn me gradus luegt, denn seht me drei 8000er (Dhaulagiri, Annapurna, Manaslu) und dr heiligi Bärg Machapuchare vor eim... Mein HALLO? Mega oder?? :-)
 Herr Wikipedia über Pokhara
Vo Kathmandu wo i land nach Pokhara gits 2 Wäg... Eine goht 30 Minute, dr anderi 8-12 Stund. Ich ha also d Wahl zwüsche "30 Minute mit öbisem Fliege wo gärn e Flugi wär" oder in e Bus sitze und zwüsche Küeh, LKWs und 400m tiefe Schluchte im Stau stoh, YEAH!!
(jä super, jetzt hani dr Fade verlohre!.....)
Ah... JETZT! Promis in Pokhara... S git zwei! Wobi i eigentlig nur vo eim weiss: Dr Khagendra Thapa Magar läbt dert... er isch dr klynsti Maa uf Ärde (lut em Herr Guiness,- nid dä mit em Bier), 19ni ischer und somit leider z jung für mi... Aber jo, me ka halt nid alles ha, he!! La vie n'est pas üne cour de pony!
Den hani no e MMS vo mim Mummy beko mit eme nepalesische "Promi"... Vowäge: Viel Spass mit dem!! Schiiiiiiins läbt nämlig dr Yeti in Pokhara, oder emel uf eim vo dene Bärge dert... Jööö!! *knuddel*


 माछापुछ्